وداعا نهائيا لمشكله الظفر الغائر ..تخلص من الظفر الغائر ب ١٠ طرق بسيطه وانت بالبيت | دكتور طارق تركى

أفضل 10 أدوية لعلاج التهاب وتر أكيلس 

لو عندك مشكلة بوتر اكيلس تواصل مع عيادة الدكتور طارق تركى على رقم الواتساب 00201556860926 لمعرفة طرق العلاج المناسب لحالتك.

ناس كتير بتشتكى من الم شديد ورا مفصل القدم او ورا الكعب اثناء المشى او الوقوف مع تورم وسخونة مكان الالم  ومش عارفة سبب الالم دة اية وكمان عايزة تعرف ازاى تقدر تعالج الالم دة اللى بيستمر وقت طويل و كمان مفيش حاجة جايبة معاه نتيجة المشكلة دى بنسميها التهاب وتر اكيلس او التهاب وتر العرقوب 

هنتعرف فى هذا المقال على اسباب حدوث المشكلة دى و كمان طرق العلاج وافضل 10 ادوية ممكن تستخدمها علشان تخلصك من المشكلة دى  خليك معايا لنهايه المقال علشان هقولك على ارخص الادوية الموجودة بالاسواق لعلاج التهاب وتر اكيلس

ماهو وتر اكيلس

 وتر أكيلس بيعتبر اكبر واقوى وتر فى الجسم زى الحبل موجود خلف مفصل القدم وفايدتة انة بيربط عضلات الساق الخلفية بعظام الكعب،

مشكلة التهاب وتر اكيلس غالبا بتحصل للرياضين او الناس اللى بتجرى او بتطنط زى اللى بيلعبوا سلة او طايرة وخصوصا لو مجهودهم زاد اكتر من المعتاد فى الحالات اللى زى دى لازم نفرق بين التهاب او قطع او تمزق وتر اكيلس لان معظم حالات التهاب وتر أكيلس بتكون بسيطة او متوسطة ويمكن علاجها بالبيت، 

عن طريق الراحة وبعض النصائح و العلاج الطبيعى مع استخدام واحد من افضل 10 ادوية لعلاج التهاب وتر اكيلس اللى هنتكلم عنهم اما حالات قطع أو تمزق وتر أكيلس هي حالات مختلفة ممكن تحتاج جبس او تثبيت لمفصل الكاحل  وفى بعض الحالات بتحتاج لتدخل جراحي.

طيب اية اسباب التهاب وتر اكيلس 

• زى ماقولنا بيحصل فى الرياضين اللى بيجروا او يتنططوا كتير اكتر من المعتاد

• الناس اللى بتلبس كعب عالى 

• الناس اللى بتمشى كتير او تقف كتير او بتطلع وتنزل سلالم كتير

• الناس اللى عندها فلات فوت

• الناس اللى عندها تشوه باقدامها 

• الناس اللى بتمشى حافية او بتلبس احذية لينة او فلات

طيب اية أعراض التهاب وتر أكيلس

ممكن تلاقى الناس اللى بتشتكى من التهاب وتر أكيلس عندها 

• ألم في كعب القدم أو خلف كعب القدم وخصوصا بعد مايعملوا رياضة لفترات طويلة.

• ممكن تلاقى مكان الوتر وارم وسخن  او فية احمرار وطبعا هتلاقى فى صعوبة فى الحركة اثناء المشى و الجرى او لو طالع ونازل السلالم

يمكنك ايضا قراءة

درجات خشونة الركبة: تعرف على مراحلها وأعراضها

6 طرق ذكية تساعد فى خسارة الوزن لمرضى خشونة الركبة

تجارب مرضى خشونة الركبة مع دكتور طارق تركي

علاج خشونة الركبة – هل يوجد حل دائم؟

 علاج خشونة الركبة نهائيا: طرق فعالة وآمنة

طيب علاج التهاب وتر أكيلس اية 

فى معظم حالات التهاب وتر اكيلس بيكون العلاج فى البيت عن طريق:

• اهم حاجة فى العلاج الراحة التامة وممنوع عمل اى رياضة وتقلل الوقوف و المشى وممنوع طلوع ونزول السلالم

• لازم تلبس احذية مريحة وتكون مفتوحة من الخلف علشان متضغطش على الوتر  

• ممكن تعمل كمادات تلج على المكان المؤلم علشان يخف التورم و الالم و الاحمرار

• ممكن تستخدم مضادات الالتهاب الفموية و الموضوعية 

• ممكن تعمل جلشات علاج طبيعى عن طريق جلسات الالتراسونيم و شورت ويف و الشوك ويف

• فى الحالات الشديدة ممكن نستخدم ساند ليلى يثبت المفصل بالليل وانت نايم علشان يقلل الالتهاب و التورم وتسرع الشفاء 

طيب اية افضل 10 ادوية لعلاج التهاب وتر اكيلس 

1- اقراص ابيكوتيل 20 مجم 

• المادة الفعالة تينوكسيكام، اللى بتعتبر من  مضادات الالتهاب غير الستيرويدية القوية جدا واللى بتستخدم فى علاج التهاب المفاصل والعضلات والأوتار لانها بتسكن الألم وتعالج الالتهاب وتقلل التورم.

• بتتاخد قرص واحد بعد الأكل مرتين يوميا.

• ممنوع تاخد اقراص الابيكوتيل في حالة الحمل والرضاعة الطبيعية ولو فية قصور بوظائف الكبد أو الكلى وكمان لمرضى التهاب وقرحة المعدة ونزيف الجهاز الهضمي.

يبلغ سعر أقراص ابيكوتيل (10 أقراص) 21.25 جنيه مصري.

2- اقراص بريستافلام أقراص 

• المادة الفعالة هى أسيكلوفيناك بتركيز 100 مجم فى القرص الواحد.

• بتعتبر مضاد للالتهابات قوي وفعال وكمان مسكن للآلام الشديدة اللى بسبب التهاب المفاصل والأوتار والعظام.

• الجرعة: قرص كل 12 ساعة بعد الاكل.

• ممنوع ياخدها المرضى اللى عندهم خلل فى وظائف الكبد والقصور الكلوي واللى عندهم حساسية من  مضادات الالتهاب غير الستيرويدية.

• ممكن تسبب ألم بالبطن والغثيان والقيء، 

• يبلغ سعر أقراص بريستافلام (20 قرص) 47 جنيها مصريا

3- اقراص فولتارين 50 مجم 

• المادة الفعالة ديكلوفيناك الصوديوم، ودى بتعتبر من أشهر مضادات الالتهاب ومسكنات الألم الموجودة بالاسواق.

• بيعتبر  الفولتارين من أفضل 10 أدوية علاج التهاب وتر أكيلس، لأنه بيعالج الالتهاب والارتشاح والتورم ويسكن الألم.

• الجرعة قرص فولتارين 50 مجم كل 12 ساعة بعد الأكل.

• ممنوع للمرضى اللى عندهم خلل في وظائف الكبد والتهاب وقرحة الإثنى عشر ونزيف الجهاز الهضمي.

يبلغ سعر أقراص فولتارين 50 مجم (20 قرص) 21.5 جنيه مصري.

4- اقراص دوليبران 1 جرام

• بتحتوي على 1000 مجم من الباراسيتامول الذي ينتمي إلى مجموعة اسيتامينوفين المضادة للألم والالتهاب.

• الجرعة قرص واحد من مرتين لثلاث مرات يوميا بعد الأكل.

• ممنوع للمرضى اللى عندهم حساسية الباراسيتامول

• يبلغ سعر أقراص دوليبران (15 قرص) 18 جنيه مصري

يمكنك ايضا قراءة

درجات خشونة الركبة: تعرف على مراحلها وأعراضها

6 طرق ذكية تساعد فى خسارة الوزن لمرضى خشونة الركبة

تجارب مرضى خشونة الركبة مع دكتور طارق تركي

علاج خشونة الركبة – هل يوجد حل دائم؟

 علاج خشونة الركبة نهائيا: طرق فعالة وآمنة

درجات خشونة الركبة وازاى تعرف درجة الخشونة والعلاج المناسب لكل درجة

5- كبسولات سيلوكسيب 200 مجم 

• المادة الفعالة سيليكوكسيب ودى من أقوى مضادات الالتهاب ومسكنات الألم غير الستيرويدية.

• بيسكن ألم التهاب المفاصل والعضلات والأوتار.

• الجرعة قرص واحد كل 12 ساعة بعد الاكل.

• ممنوع لمرضى الفشل الكبدي والكلوي أو في حالة وجود تاريخ مرضي لجلطات الدم.

• ممكن يسبب آلام في البطن وغثيان وقيء

• يبلغ سعر كبسولات سيلوكسيب 200 مجم (10 كبسولات)  29 جنيه مصري.

6- اقراص  ألفينترن 

• المادة الفعالة الكيموتريبسين و التريبسين.

• بتعالج الالتهابات والتورم والتخلص من المخلفات والبروتينات التي بتسبب الالتهاب.

• بتساعد في علاج التهاب وتر أكيلس عن طريق تقليل الارتشاح والتورم.

• الجرعة: 2 قرص قبل الأكل 3 مرات يوميا.

• لو حصل حساسية تجاه المادة الفعالة لازم تستشير الطبيب.

يبلغ سعر أقراص ألفينترن (30 قرص) 36 جنيه مصري.

7-اقراص اديوروبان 8 مجم 

• المادة الفعالة لورنو كسيكام، وهي واحدة من المسكنات ومضادات الالتهاب غير الستيرويدية المكتشفة حديثا.

• بيعتبر من أفضل 10 أدوية علاج التهاب وتر أكيلس، لانها بتسكن الألم وتعالج الالتهاب وتقلل الاحتقان والتورم.

• الجرعة: قرص كل 12 ساعة بعد الأكل.

• ممكن تسبب اضطراب في الهضم وقيء وإسهال، او حساسية تجاه مادة لورنو كسيكام.

• يرجى الحذر في حالة المرضى اللى بياخدوا أدوية للسيولة او مثبطات المناعة او مدرات البول، أو في حالة الإصابة بالقصور الكلوي أو أمراض القلب.

يبلغ سعر أقراص  اديوروبان 8 مجم (20 قرص) 21 جنيه مصري.

8- اقراص روكسو جيزيك 60 مجم 

• الماة الفعالة هي صوديوم لوكسو بروفين، من مضادات الالتهاب غير الستيرويدية القوية واللى ليها   تأثير قوي كمسكن للآلام ومضاد للالتهابات لمشاكل العظام والمفاصل\

• الجرعة هي قرص كل 12 ساعة بعد الاكل.

• ممنوع للمرضى اللى عندهم  خلل في وظائف الكبد والقصور الكلوي.

• ممكن يسبب ألم البطن أو الإسهال والإمساك والغازات، 

يبلغ سعر أقراص روكسوجيزيك (20 قرص) 30 جنيه مصري.

9- اقراص موبيك 15 مجم 

• المادة الفعالة ميلوكسيكام، من مضادات الالتهاب غير الستيرويدية.

• من أفضل 10 أدوية لعلاج التهاب وتر أكيلس لانها بتعتبر مسكن قوي للآلام ومضاد  للالتهابات وخافض للحرارة

• الجرعة قرص واحد كل 12 ساعة بعد الاكل.

• ممكن تسبب ألم البطن، اضطراب الهضم، او حساسية لمادة ميلوكسيكام، 

يبلغ سعر أقراص موبيك 15 مجم (30 قرص) 105 جنيه مصري.

1- اكياس كتافاست 50 مجم

• المادة الفعالة حبيبات فوارة من ديكلوفيناك البوتاسيوم اللى بتعتبر مسكن للألم ومضاد للالتهاب سريع المفعول وقوي التأثير جدا .

• الجرعة بتحط كيس واحد من كتافاست على نصف كوب ماء مرتين يوميا بعد الاكل .

• ممنوع لمرضى التهاب وقرحة المعدة والإثنى عشر ونزيف الجهاز الهضمي، والمرضى اللى عندهم حساسية لمادة ديكلوفيناك.

يبلغ سعر أكياس كتافاست (9 أكياس) 36 جنيه مصري.

كدة يبقى اتعرفنا في المقال دة على اسباب و اعراض التهاب وتر اكيلس وكمان على طرق العلاج و افضل 10 ادوية لعلاج وتر اكيلس موجودة بالاسواق 

طيب اية ارخض الادوية دى الموجودة بالاسواق 

اقراص ابيكوتيل 20 مجم 

 اقراص فولتارين 50 مجم 

اقراص دوليبران 1 جرام

اقراص اديوروبان 8 مجم 

لو عندك سؤال بخصوص الموضوع اكتبلنا فى التعليقات تحت الفيديو وهرد عليك

كان معاكم دكتور طارق تركى استشارى جراحة العظام والعناية بالقدم والقدم السكرى 

سبحان الله وبحمدة سبحان الله العظيم واخر دعوانا ان الحمد لله رب العالمين 

والسلام عليكم ورحمه الله وبركاته

---

لو عندك اى سؤال خاص بالموضوع اكتبلنا فى التعليقات  تحت واحنا هنرد عليك.

ولو الموضوع عجبك متنساش تشاركة مع اصدقائك وتشترك فى حسابتنا الاجتماعية.

---------------------

كلمات البحث :

علاج التهاب وتر اكيلس,التهاب وتر اكيلس,التهاب وتر اخيلس,علاج التهاب وتر العرقوب,علاج التهاب وتر الكعب,تمارين لعلاج التهاب وتر اكيلس,علاج الم وتر اكيليس,علاج التهاب وتر اخيل,افضل ادوية لعلاج التهاب وتر اكيلس,افضل ١٠ ادويه لعلاج التهاب وتر اكيلس,علاج وتر اكيليس,افضل ادوية لعلاج التهاب وتر العرقوب,التهاب الاوتار,افضل حقن لعلاج التهاب وتر اكيلس,تمارين علاج التهاب وتر العرقوب,التهاب اوتار القدم وعلاجها,التهاب وتر اخيل,حقن الكورتيزون لعلاج التهاب وتر اكيليس

------------------------------------

مع تمنياتنا للجميع بالصحة والعافية

دكتور طارق تركى

استشارى جراحة العظام والعناية بالقدم والقدم السكرى بطنطا ووسط الدلتا

عنوان العيادة

طنطا – مقابل البوابة الجانبية لعيادات على ابن ابى طالب للتامين الصحى بشارع البحر ( المجمع الطبى )  – شارع انور من البحر – فوق مركز الخير للاشعة – الدور الرابع – اخر عيادة ناحية اليسار اول ماتخرج من الاسانسير ( العمارة بها 2 اسانسير )

مواعيد العيادة

من 12 ظهرا حتى 6 مساء يوميا ماعدا الجمعه

طريقة الحجز

يمكنك الحجز مباشرة بالاتصال على موبيل  00201126629271 - 00201556860926

او يمكنك الحجز مباشرة على رابط الواتساب

https://wa.me/201556860926

موقع العيادة على جوجل

https://goo.gl/maps/JL6CEEAg5izy5Lz99

موقعنا على الانترنت

www.drtariktorkiclinic.com - www.drtariktorki.com

يمكنك متابعتنا على جميع المًواقع الاجتماعيه

 💥 الانستجرام

💥 قناتنا على اليوتيوب

💥 قناتنا على تيك توك

💥 حسابنا على الفيس بوك

 نتمنى للجميع الصحة والعافية

تعديل المقال