لو عندك خشونة بالركبة او اتشخصت ان عندك خشونة بالركبة وعايز تعرف العلاج المناسب لحالتك يبقى لازم اول حاجة تعرفها اية درجة الخشونة اللى عندك او اية مرحلة الخشونة اللى انت فيها دلوقتى علشان تعرف اىه العلاج المناسب ليك فى المرحلة دى لانك ممكن تاخد انواع علاجات كتيرة مش مناسبة لدرجة الخشونة اللى عندك وبالتالى مش هتستفاد حاجة وتصرف فلوس على الفاضى والمشكلة بتزيد معاك وانت مش واخد بالك .
هقولك على درجات خشونة الركبة وازاى تعرف درجة الخشونة اللى عندك مش كدة وبس لكن اية هو العلاج المناسب لكل درجة
ماهى خشونة الركبة
خشونة الركبة مشكلة بنشفها كتير فى العيادات وبتأثر على المريض وعلى عملة وعلى ممارسة حياتة بشكل طبيعى ولو متعلجتش صح من البداية المريض هيعانى بقية حياتة من المشكلة دى وخصوصا اثناء المشى او الحركة
خشونة الركبة بتحدث نتيجة تاكل و تدهر الغضاريف اللى بتغطى عظام مفصل الركبة ولو اهملت المشكلة دى بيبدا العظم نفسة يتاكل وتبدا الالام تبق غير محتملة
ماهى مراحل خشونة الركبة
خشونة الركبة ليها 4 درجات كل ما الدرجة زادت كل ما المشكلة اصبحت زايدة يعنى الدرجة الاولى بتعتبر بسيطة اما الدرجة الرابعة بتعتبر شديدة جدا هنتكلم عن كل درجة وازاى تشخصها و العلاج المناسب ليها
اول درجة معانا هى الدرجة الأولى من خشونة الركبة ( درجة خشونة الركبة الاولى )
في المرحلة دى بتبدأ تظهر نتوءات عظمية صغيرة على حواف المفصل ، وبتبقى عبارة عن نمو عظمي صغير فى مكان ما العظم بيتلاقى ببعضة في المفصل وممكن برضة يكون فية خسارة خفيفة في الغضروف لكن مساحة المفصل بتكون طبيعية ومش قليلة .
في المرحلة دى المريض غالبا مش بيشعر باى الم او وجع يعنى مش بيكون فية اعراض فى بداية المشكلة .لكن فى حالات بسيطة ممكن المريض يحس بوخز خفيف فى خلف الركبة لو اتحرك كتير او طلع السلالم
فى المرحلة دى بننصح المريض بشوية نصائح مهمه :
لازم يخفف وزنة
ومشيلش حاجات تقيلة
ويعمل تمارين تقوية للعضلات حوالين الركبه
ويعمل كمادات دافية على الركبة
ويلبس احذية مناسية و بلاش الاحذية الفلات و الكعب العالى و الاحذية اللينة
لازم تمشى على نظام غذائى مفيد للعظام والركبة يعنى كتر من الاسماك الدهنية زى السردين والتونة و السالمون وكمان الشوفان و زيت الشمر والبنجر و الزنجبيل والكركم
فى المرحلة دى مش بندى ادوية لكن لو المريض معرض ان يجيلة خشونة او الخشونة تزيد معاه يعنى وزنة زايد او طبيعة شغلة انة بيقف كتير او يمشى كتير او يطلع سلالم او يشيل حاجات تقيلة ممكن نديلة المكملات الغذائية للركبة اللى فيها جلوكوزامين وكوندرنتين
فى الدرجة الثانية من خشونة الركبة( درجة خشونة الركبة الثانية )
بتعتبر درجة خشونة الركبة فيها بسيطة ولو عملنا اشعة على الركبة هنلاقى النتوءات العظمية كبيرة شوية لكن الغضروف لسة فى حالتة وحجمة الطبيعى والمسافة بين العظام او بالمفصل بتكون طبيعية فميحصلش احتكاك بين العظام وكمان السايل اللى جوة الركبة بيكون كميتة كافية علشان توفر حركة المفصل بشكل طبيعى لكن ممكن المريض يشعر بالم بالركبة بشكل متقطع مع المجهود او الوقفة والمشى الكتير .
فى الحالة دى بتلاقى المريض بيحس بتيبس في مفصل الركبة وألم في الركبة مع الجلوس لفترات طويلة أو بعد يوم طويل من المشي أو الجري أو لما يصحى من النوم.
فى المرحلة دى لازم تتشخص صح من دكتور متخصص علشان الموضوع تلحقة من الاول وميزيدش معاك والمفصل ميدهورش وتحتاج بعد كدة لحقن او مفصل صناعى
فى المرحلة دى بننصح بتخفيف الوزن و ممارسة الرياضة زى المشى و السباحة و تجنب الاوضاع اللى ممكن تزود الخشونة و الاحتكاك زى طلوع السلم و القرفصة و الحمام البلدى والقعدة المربعة و القعدة على كرسى واطى
كمان ممكن نبدا باستخدام المكملات الغذائية اللى فيها جلوكوزامين و كوندرنتين
الاكتشاف المبكر للحالة دى بيساعد على وضع خطة علشان نمنع تدهور الركبة، والعلاجات التحفظية والنصائح اللى قلنا عليها بتساعد كتير في تخفيف الأعراض والالتهابات و الالم كمان ممكن نستخدم مضادات الالتهابات الموضعية و الفموية لو فية تورم و سخونة بالركبة
نيجى للدرجة الثالثة من خشونة الركبة( درجة خشونة الركبة الثالثة )
بتعتبر الدرجة الثالثة من خشونة الركبة درجة خشونة متوسطة وفى المرحلة دى غضاريف الصابونة بتبدأ فى التاكل .
كمان تبدا العظام تحتك فى بعضها وتسبب التهاب بالغشاء المبطن للركبة من جوة ويبدا غضاريف الركبة تتاكل و يبقى عظام الركبة مكشوفة وبتكون النتوءات العظمية فى المرحلة دى كبيرة
فى المرحلة دى المريض بيشعر بالم شديد مع المجهود البدني العالي أو لو شال حاجات تقيلة
و بيشعر بالم متكرر اثناء المشى او طلوع السلم او الركوع كمان بيشعر بتصلب بالركبة بعد ما يجلس مدة طويلة وكمان اول مايصحى من النوم وهتلاقى المفصل وارم وسخن وخصوصا بعد الحركة لمدة طويلة
فى الاشعة بنلاقى الغضاريف المبطنة لعظام الركبة حصلها تلف ومسافة المفصل بين العظام اصبحت ضيقة
قد يهمك ايضا
سخونة القدمين بالليل .. الاسباب وافضل طرق العلاجات المنزلية
مرض السكري وقدميك وكيف تحافظ على قدميك
آلام الأعصاب السكري (اعتلال او التهاب الأعصاب السكري) : نصائح للعلاج
النشاطات المسموحة و الممنوعه على مرضى التهابات اللفافة الاخمصية
اختيارات الاحذية المناسبة لمرضى التهاب اللفافة الأخمصية
العلاجات المنزلية لالتهاب اللفافة الأخمصية : الزيوت الأساسية و 12 طريقة أخرى
اهم اعراض نقص الماغنسيوم و أفضل 10 مصادر طبيعية غنية بالماغنسيوم
اكثر 14 سؤال عن الشوكة العظمية بكعب القدم او التهاب اللفافة الاخمصية والاجابات عنها
درجات خشونة الركبة وازاى تعرف درجة الخشونة والعلاج المناسب لكل درجة
أفضل 10 فيتامينات لتنشيط الدورة الدموية واهم المصادر الطبيعية لكل فيتامين
افضل 10 طرق طبيعية لعلاج الشوكة العظمية نهائيا وبسرعة فى المنزل في خلال اسبوع
أفضل 10 حقن لعلاج التهاب الأعصاب فى الاسواق 2023
20 نصيحة مهمة جدا لمريض السكر
علاج الرحلة دى بيكون عن طريق
لازم نستخدم مضادات الالتهاب لتخفيف الالم والالتهاب و التورم زى اقراص بروفين 600 مجم 3 مرات يوميا او كبسولات ديفيدو 75 مجم مرتين يوميا وممكن ندى حقن كورتيزون عضل لو الالم شديد و يمكن تكرارها فى خلال شهرين او ثلاثة لان الاستخدام الطويل لحقن الكورتيزون ممكن تسبب تلف بالمفاصل وهشاشة بالعظام
وممكن نستخدم مضادات الالتهاب الموضوعية زى مرهم موف او مرهم فلدين او فاستم جيل مرتين يوميا بدون تدليك بعد عمل كمادات دافية ولو فية تورم بالركبة نستخدم اقراص ريباريل 3 مرات يوميا بعد الاكل ومرهم ريباريل او هيموكلار مرتين يوميا لمدة شهر
كمان ممكن نستخدم مسكنات الالم زى باراسيتامول قرصين 3 مرات يوميا بعد الاكل بالإضافة إلى تخفيف الوزن وممارسة التمارين الرياضية بدون تحميل على الركبة علشان تقوى العضلات اللى حوالين الركبة ومتعملش اى تمارين للركبة الا بعد ماتستشير الدكتور بتاعك لانك ممكن تعمل تمارين غلط تدمرلك الركبة وتزود المشكلة
كمان لازم نستخدم المكملات الغذائية اللى فيها جلوكوزتمين و كوندرتين زى دورفين او جيينوفيل اقراص 3 اقراص يوميا مش اقل من كدة لمدة لاتقل عن 6 شهور وممكن اكتر من كدة مفيش مشكلة
كمان ممكن المريض نديلة حقن الزيت زى حقن اورثوفيسك او سبلاسين او مونوفيسك او سينفيسك او كريسبن او البلازما الغنية بالصفائح الدموية او حقن الخلايا الجزعية بتنفع كتير فى المرحلةدى
اختيار المكملات الغذائية والحقن
اخر درجة معانا هى الدرجة الرابعة من خشونة الركبة( درجة خشونة الركبة الرابعة )
ودى أشد وأخطر درجات خشونة الركبة لان المريض بيشعر بألم شديد في الركبة مع أي حركة.
غالبًا بيكون معاها قطع في الغضروف الهلالي.
طبعا بيكون العظام الداخلية للمفصل بدات تتاكل بعدما الغضاريف تاكلت
هتلاقى تورم حولين مفصل الركبة و تقوس بالساقين وسخونة بالركبة
هتلاقى مفصل الركبة اصبح ضيق جدا والعظام محتكة ببعضها مع الم شديد مع اقل حركة
فى الحالة دى الالم و التيبس و الشد العضلى وتورم المفصل بيكون شديد جدا و المريض مش بيعرف يتحرك او حتى يقف على رجلة مع صعوبة فى ثنى وفرد الركبة
الدرجة دى بيكون علاجها المثالى فى اغلب الحالات التدخل الجراحى زى تغير المفصل بمفصل صناعى سواء كلى او جزئى او عمل منظار للركبة لتنظيف الركبة
نيجى بقى لنقطة افضل طريقة لتشخيص درجة الخشونة التشخيص بيتم ب 3 مراحل الاولى القصة المرضية اللى بناخدها من المريض ونسالة شوية اسئلة ويجاوب عليها علشان نعرف الاسباب
تانى حاجة الكشف السريرى لان عن طريقة وعن طريق بعض الاختبارات السريرية بنقدر نعرف درجة الخشونة وهل فية نزيف ا ارتشاح داخل الركبة وهل فيه قطع للغضاريف الهلالية او الرباط الصليبى او الاربطة الخارجية
ثالث حاجة عمل اشعة عادية على الركبتين معا وانت نايم وانت واقف علشان تشوف درجة ضغط الجسم والتحميل على مفصل الركبة
يعنى علشان تشخص درجة الخشونة صح و تقييم المشكلة صح يبقى لازم الطرق الثلاثةاللى قولناها علشان تبدا تحط خطة علاج صح تناسب المرحلة اللى المريض فيها
كدة يبقى اتكلمنا عن درجات خشونة الركبة وازاى تعرف درجة الخشونة والعلاج المناسب لكل درجة
لو عندك سؤال بخصوص الموضوع اكتبلنا فى التعليقات تحت الفيديو
------------------------------------
لو عندك اى سؤال خاص بالموضوع اكتبلنا فى التعليقات تحت واحنا هنرد عليك.
ولو الموضوع عجبك متنساش تشاركة مع اصدقائك وتشترك فى حسابتنا الاجتماعية.
------------------------------------
كلمات البحث :
خشونة الركبة,علاج خشونة الركبة,درجات خشونة الركبة,خشونة الركبة وعلاجها,اية درجات خشونة الركبة,الركبة,خشونة المفاصل,درجات خشونة الركبة وعلاجها,الام الركبة,اسباب خشونة الركبة,خشونة الركبة والمشي,تمارين خشونة الركبة,خشونة الركب,درجات خشونه الركبه,كيفية علاج خشونة الركبة,الم الركبة,خشونة مفصل الركبة,ما هي أعراض خشونة الركبة,خشونة الركبة عند الشباب,علاج خشونة الركبه,اهم درجات خشونة الركبة وطرق العلاج,خشونه الركبه,علاج الخشونة
------------------------------------
مع تمنياتنا للجميع بالصحة والعافية
دكتور طارق تركى
استشارى جراحة العظام والعناية بالقدم والقدم السكرى بطنطا ووسط الدلتا
عنوان العيادة
طنطا – مقابل البوابة الجانبية لعيادات على ابن ابى طالب للتامين الصحى بشارع البحر ( المجمع الطبى ) – شارع انور من البحر – فوق مركز الخير للاشعة – الدور الرابع – اخر عيادة ناحية اليسار اول ماتخرج من الاسانسير ( العمارة بها 2 اسانسير )
مواعيد العيادة
من 12 ظهرا حتى 6 مساء يوميا ماعدا الخميس والجمعه
طريقة الحجز
يمكنك الحجز مباشرة بالاتصال على موبيل 00201126629271 - 00201556860926
او يمكنك الحجز مباشرة على رابط الواتساب
موقع العيادة على جوجل
https://goo.gl/maps/JL6CEEAg5izy5Lz99
موقعنا على الانترنت
www.drtariktorkiclinic.com - www.drtariktorki.com
يمكنك متابعتنا على جميع المًواقع الاجتماعيه
نتمنى للجميع الصحة والعافية
