من اكثر المشاكل اللى بنشوفها فى عيادة العظام و خصوصا عيادة القدم مشكلة الشوكة العظمية بكعب القدم او الم كعب القدم اول ما تصحى من النوم او لو جلست مدة طويلة وبدات تتحرك
المشكلة دى بتمثل 58 % من الحالات المترددة على عيادة القدم والمشكلة دى مش مشكلة عادية لمنها مؤلمة جدا وبتوقف حياه المريض نهائيا وبتجبلة اكتئاب نتيجة الالم الشديد و كمان ان مفيش علاجات جايبة نتيجة معاها
علشان كدة هقولك في المقال دة عن اكثر 14 سؤال عن الشوكة العظمية بكعب القدم او التهاب اللفافة الاخمصية والاجابات عنها
⇐من الاسئلة اللى جاتلنا عن الشوكة العظمية بكعب القدم او الم كعب القدم اول ما تصحى من النوم
السؤال الاول : اية هى الشوكة العظمية واية هو التهاب اللفاقة الاخمصية والفرق بينهم
التهاب اللفافة الاخمصية مشكلة بتحدث نتيجة التهاب بالغشاء المبطن لباطن القدم فيسبب الم بالكعب او باطن القدم او مقدمة القدم تحت الاصابع
اما الشوكة العظمية هى نتوء عظمى بكعب القدم نتيجة ترسب الكالسيوم بالكعب نتيجة التهاب بيحدث فى جزء اللفافة الاخمصية الموجود بكعب القدم
السؤال الثانى اية العلامات والاعراض اللى بتقول أنك مصاب بالشوكة العظمية بكعب القدم ؟
· لو لاقيت عند الاعراض دى اكيد هيكون عندك شوكة عظمية بالكعب او التهاب باللفافة الاخمصية :
– ألم شديد في القدم غير محتمل بكعب القدم او ل ما تصحى من النوم او لو كنت جالس مدة طويلة وبدات تتحرك . الالم دة بيقل بعد دقيقتين من المشى .
– برضة ممكن يكون فية الم شديد في القدم لو وقفت مدة طويلة
– برضة الالم بيحصل وبيكون شددي في القدم لو عملت مجهود بعد فترة طويلة من الراحة
– ممكن تلاقى فية تورم بكعب القدم
السؤال الثالث : اية اسباب حدوث الشوكة العظمية بالكعب او التهاب اللفافة الاخمصية
مرضى كتير عدهم المشكلة دى مش بيكونا عارفين اية الاسباب اللى ورا المشكلة دى من اهم الاسباب
الوزن الزايد – الاجهاد المستمر على القدم زى الوقوف الطويل و المشى لمدة طويلة وخصوصا لو فى حذاء غير مناسب او على ارض صلبة
الاحذية الغير مناسبة زى الاحذية الخفيفة و اللينة و الفلات والكعب العالى
المشى حافى فى البيت على البلاط و السيراميك و البلاط او الرخام و حتى الموكيت
المشى على سير كهربائى
عدم عمل اى تمارين رياضية لتقوية عضلات الساقين و القدم
السؤال الرابع : هل الشوكة العظمية هى سبب الالم بكعب القدم ؟
الاجابة اللى ممكن تصدم ناس كتيرة ان الشوكة العظمية او النتوء العظمى او العظمة الزايدة اللى بتشوفها فى الاشعة مش هى سبب الالم اللى بيحصل فى كعب القدم نهائيا
امال سبب الالم اية السبب هو التهاب اللفافة الاخمصية بكعب القدم والدليل على كدة علاج التهاب اللفافة الاخمصية بيخفى الالم وكمان فية ناس بنلاقى عندهم شوكة عظمية بالكعب لكن مش عندهم الم ودة علشان معندهمش التهاب باللفافة الاخمصية .
السؤال الخامس : اية هو علاج الشوكة العظمية بكعب القدم او التهاب اللفافة الاخمصية ؟
علاج المشكلة دى مش شوية ادوية ومراهم وخلاص ويبقى كدة حليت المشكلة لكن علاج الشمكلة بالرغم انة سهل جدا وميعرفوش كتير من الاطباء الا انة معقد لانة بيتكون من حاجات كتيرة لازم تعملها كلها زى تخفيف الوزن وتمارين الاطالة للقدم و الساند الليلى و الحشوة الطبية وكمادات الثلج و الاحذية المناسبة و الشوك ويف و بعض النصائح المهمهة و العلاج الطبيعى و فى الاخر الادوية المضادة للالتهاب يعنى العلاج لازم تعمل كل الحاجات دى علسان المشكلة تختفى تمام لكن هتاخد ادوية فقط هتخفف الالم والالتهاب وترجع المشكلة من تانى لانك معالجتش السبب الاساسى علشان كدة ناس كتيرة جربت حاجات كتيرة ومرتحتش ومستجبتش للعلاج
فية بعض الاطباء بتستخدم حقن الكورتيزون او حقن البلازم فى الكعب وفى اطباء بتلجأ للتدخل الجراحى من شدة الالم وعدم الاستجابة لاى علاج لكن عندنا فى عيادتنا مش بنستخدم اى نوع من الحقن او التدخل الجراحى لكن بنقييم الحالة اولا ونحدد السبب و نشخص تشخيص سليم متكامل وبعدين نبدا نحط خطة العلاج المناسب و النصائح المناسبة لكل حالة
قد يهمك ايضا
سخونة القدمين بالليل .. الاسباب وافضل طرق العلاجات المنزلية
مرض السكري وقدميك وكيف تحافظ على قدميك
آلام الأعصاب السكري (اعتلال او التهاب الأعصاب السكري) : نصائح للعلاج
النشاطات المسموحة و الممنوعه على مرضى التهابات اللفافة الاخمصية
اختيارات الاحذية المناسبة لمرضى التهاب اللفافة الأخمصية
العلاجات المنزلية لالتهاب اللفافة الأخمصية : الزيوت الأساسية و 12 طريقة أخرى
اهم اعراض نقص الماغنسيوم و أفضل 10 مصادر طبيعية غنية بالماغنسيومالسؤال السادس هل يمكنك منع حدوث التهاب اللفافة الأخمصية؟
الاجابة نعم بنسبة 100 % عن طريق حاجات كتيرة منها المحافظة على وزن سليم و مناسب والالتزام بعادات صحية سليمة و ارتداء الاحذية المناسبة و عدم ممارسة الرياضة العنيفة اللى بتجهد القدم وكمان عمل تمارين تقوية لعضلات الساقين و القدم وعدم الوقوف و المشى على الاسطح الصلبة .
السؤال السابع :هل كل مرضى التهاب اللفافة الأخمصية معرضين لتكوين الشوكة العظمية فى كعب القدم ؟
الاجابة لا, لان نصف حالات التهاب اللفافة الاخمصية فقط بيكون عندهم شوكة عظمية فى الكعب.
السؤال الثامن : هل التهاب اللفافة الأخمصية عارض أم مزمن؟
فية بعض المرضى اللى مصابين بالتهاب اللفافة الأخمصية المشكلة بتطول معاهم لفترة زمنية وبعدين بيتحسنوا بعد كدة عن طريق طرق العلاجات اللى ذكرناها حتى يتم الشفاء التام وممكن مترجعش ليهم تانى
وفية ناس تانية بيكون عندها التهاب مزمن في اللفافة الأخصمية, وبيتم علاجه لكن بترجع لمشكلة مرة تانية وبيكون السبب زيادة الوزن أو أمراض أخرى زى النقرس والتهاب المفاصل, والوقوف والمشي لفترات طويلة وارتداء الاحذية الغير مناسبة .
السؤال التاسع :كم من الوقت يستغرق علاج اللفافة الأخمصية؟
وجدوا ان 85 % من حالات الشوكة العظمية بالكعب او التهاب اللفافة الاخمصية بتتحسن بالعلاجات اللى ذكرناها بعد تقييم الحالة ومعرفة الاسباب وبيحتاج العلاج فى بعض الاحيان من 6 إلى 9 شهرأ, وفية بعض الحالات بتتحسن بسرعة فى خلال شهر ونصف او شهرين ودى الحالات اللى بتتشخص بسرعة وبتلتزم بخطة العلاج اللى بنوصفهالهم
السؤال العاشر : الناس اللى عملت عملية للشوكة العظمية بتسال امتى يمكنىن العوده لممارسة مهامي اليومية بعد الجراحة؟
بنقولهم ان شاء الله ممكن بعد عشرة أيام من بعد إجراء الجراحة يمكن العودة لروتين الحياة اليومية
السؤال الحادى عشر : هل تختفي شوكة الكعب العظمية دون الجراحة؟
زى ما قولنا قبل كدة ان الشوكة العظمية بكعب القدم مش هى سبب الالم علشان كدة أحيانًا قد تختفي آلام شوكة الكعب العظمية من تلقاء نفسها، ولكن فية حاجات لازم تعملها علشان تخفف ألم القدم وإذابة شوكة الكعب العظمية منها:
– استخدام مكملات الكالسيوم خاصة أن الشوكة العظمية تنشأ نتيجة نقص الكالسيوم علشان كدة لازم تاخد المكملات التي ترفع من مستوى الكالسيوم في الجسم بعد استشارة الطبيب المعالج .
– اختيار الأحذية المبطنة المرنة التي تسمح بالحركة والابتعاد عن الأحذية الضيقة واللينة و الكعب العالى و الاحية الفلات .
– عمل كمادات ثلج ووضعها على كعب القدم لمدة ١٠ ربع ساعة عدة مرات في اليوم.
– تدليك العضلات الموجودة في القدم مما يحفز الدورة الدموية ويساعد على استرخاء عضلات القدم وتقليل الضغط الواقع على الكعب.
السؤال الثانى عشر : هل الشوكة العظمية بكعب القدم خطيرة؟
الشوكة العظمية بكعب القدم مش مرض خطير ولاحاجة بالعكس 85 % من الحالات بتتعالج بالطرق اللى قولنا عليها
لكن الإهمال في علاج شوكة الكعب العظمية قد يتسبب في حدوث نتوءات في الكعب وآلام شديدة تعيق حركة المريض والمشي بشكل طبيعي والشعور بتنميل وخدر في منطقة الشوكة العظمية وممكن يسبب تلف في أربطة القدم على المدى البعيد. وتسبب الاصابة بالفلات فوت او تسطح القدم
في بعض الأحيان قد يسبب إهمال شوكة الكعب العظمية واللفافة الأخمصية حدوث نزيف للأوعية الدموية الصغيرة في القدم مما يؤدي هذا النزيف إلى حدوث كدمات سطحية في منطقة كعب القدم
السؤال الثالث عشر : هل خل التفاح يعالج الشوكه العظمية ؟
خل التفاح ممكن يستخدم علشان يدوب ترسبات الكالسيوم المُكونة للشوكة العظمية. عن طريق نقع القدم في وعاء من الماء الدافئ وعلية معلقة من خل التفاح، أو من خلال لف قطعة من القماش مبلولة ببعض من خل التفاح مكان الشوكة العظمية لبضع دقائق يوميا لمدة 3 اسابيع
السؤال الرابع عشر : هل الحجامة تفيد حالات شوكة الكعب العظمية؟
لايوجد اى تاثير للحجامة على التهاب اللفافة الاخمصية او الشوكة العظمية بالكعب .
كدة يبقى جاوبنا على اهم 14 سؤال عن الشوكة العظمية بكعب القدم او التهاب اللفافة الاخمصية
لو انت جربت طرق اخرى واتحسن عليها اكتبلنا فى التعليقات
------------------------------------
لو عندك اى سؤال خاص بالموضوع اكتبلنا فى التعليقات تحت واحنا هنرد عليك.
ولو الموضوع عجبك متنساش تشاركة مع اصدقائك وتشترك فى حسابتنا الاجتماعية.
------------------------------------
كلمات البحث :
الشوكة العظمية,علاج الشوكة العظمية,الشوكة العظمية فى كعب الرجل,الشوكة العظمية بالقدم وعلاجها,اسباب الشوكة العظمية,علاج الشوكة العظمية بالكعب,أسباب الشوكة العظمية,الشوكة العظمية وعلاجها,الشوكة العظمية بالكعب وعلاجها,أعراض الشوكة العظمية,الشوكة العظمية بالكعب,تمارين لعلاج الشوكة العظمية,افضل تمارين لعلاج الشوكة العظمية,تمارين الشوكة العظمية,الام الشوكة العظمية,الوقاية من الشوكة العظمية,تمرينات لعلاج الشوكة العظمية,مرض الشوكة العظمية في القدم,الشوكه العظميه
------------------------------------
مع تمنياتنا للجميع بالصحة والعافية
دكتور طارق تركى
استشارى جراحة العظام والعناية بالقدم والقدم السكرى بطنطا ووسط الدلتا
عنوان العيادة
طنطا – مقابل البوابة الجانبية لعيادات على ابن ابى طالب للتامين الصحى بشارع البحر ( المجمع الطبى ) – شارع انور من البحر – فوق مركز الخير للاشعة – الدور الرابع – اخر عيادة ناحية اليسار اول ماتخرج من الاسانسير ( العمارة بها 2 اسانسير )
مواعيد العيادة
من 12 ظهرا حتى 6 مساء يوميا ماعدا الخميس والجمعه
طريقة الحجز
يمكنك الحجز مباشرة بالاتصال على موبيل 00201126629271 - 00201556860926
او يمكنك الحجز مباشرة على رابط الواتساب
موقع العيادة على جوجل
https://goo.gl/maps/JL6CEEAg5izy5Lz99
موقعنا على الانترنت
www.drtariktorkiclinic.com - www.drtariktorki.com
يمكنك متابعتنا على جميع المًواقع الاجتماعيه
نتمنى للجميع الصحة والعافية
