لو انت مريض سكر او تعرف مريض سكر فاللى هقولهولك فى البوست دة انا متاكد ان مفيش حد قالهولك قبل كدة لان لازم سكرك يكون منتظم بصفة مستمرة علشان ميحصلكش اى مضاعفات خطيرة من مضاعفات السكر اللى كلنا عارفينها زى مشاكل القلب و الدورة الدموية ومشاكل العين كمان من الحاجات المهمه جدا انك لازم تحافظ على رجلك باستمرار علشان كدة هقولك فى البوست دة على اهم 20 نصيحة بتعتبر من النصائح الذهبية و المهمه جدا لاى مريض سكر سواء من النوع الاول او النوع الثانى ركز معايا وهات ورقة واكتب ورايا النقط اللى هقولك عليها لانها هتحميك من حاجات كتيرة .
قبل ما نخش فى الموضوع على طول لازم نعرف النصايح اللى هنقولها
دى مين اللى هيستفاد منها : بص ياسيدى اللى ممكن يستفاد من النصايح دى
· اى مريض سكر سواء من النوع الاول او النوع الثانى او حتى سكر الحمل .
· الناس اللى عندها سكر من زمان او لو السكر مش منتظم .
· الناس اللى ممكن يحصلهم سكر فى المستقبل زى الناس اللى فى عيلتهم حد عندة سكر او تحليل السكر التراكمى عندهم من 5.5 % الى 6.4 % او الناس اللى وزنهم زايد او مش بيتحركوا كتير ومش بيعملوا رياضة او بيجلسوا مدة طويلة على المكاتب او فى الشغل .
· الناس اللى عندهم مشاكل بالدورة الدموية والاعصاب الطرفية .
· الناس اللى بتاخد علاج للقلب و الضغط والدهون الثلاثية والكوليسترول .
ندخل بقى فى الموضوع على طول علشان منطولش عليكم و هقولكم على اهم 20 نصيحة ذهبية لاى مريض سكر :
اول حاجة متابعة السكر وعمل جدول للتحاليل
دى بتعتبر من اهم النصائح لمريض السكر وبنعمل جدول فى البيت بنكتب فية اوقات عمل تحليل السكر العادى اللى بيتعمل فى البيت و بنكتب نتيجة التحاليل فى كل مرة وخصوصا لو المريض بياخج انسولين كمان متابعه السكر بتم عن طريق زيارة طبييب السكر كل فترة و عمل التحاليل المهمة على طول .
جدول التحاليل لازم يحتوى على 7 تحاليل قبل الاكل و بعد الاكل بساعتين وقبل النوم كل 3 اسابيع علي اقصي تقدير لمده 3 ايام متتاليه دى للناس اللى بتاخد انسولين اما الناس اللى بتاخد اقراص بتعمل التحاليل كل اسبوعين صايم وبعد الوجبة الرئيسيه اللي هي بعد الغداء بساعتين.
ثانى حاجة من اهم التحاليل اللى المريض لازم يعملها بصورة دايمة
تحليل السكر التراكمى او اللى بيسموه مخزون السكر ودة بيتعمل كل 3 شهور وبنشوف فيه نسبة السكر اللى اتخزنت على الهيموجلوبين فى اخر 3 شهور يعنى تحليل دقيق جدا ولازم يكون بين (6.5 الي 7٪) وممكن يوصل ل 7.5 % في الناس المعرضين لهبوط السكري وكبار السن ومرض القلب لكن ميزيدش عن كدة لانة لو زاد يبقى اكيد هتبقى معرض لمضاعفات كتيرة
ثالث حاجة لازم تعمل برضة شوية تحاليل كل فترة على الاقل كل 6 شهور
زى تحليل الدهون الثلاثية و تحليل الكوليسترول والاهم الدهون المنخفضه الكثافه LDL والدهون الثلاثيه TG وتحليل وظائف الكلى وخصوصا الناس اللى عندها ضغط او مشاكل بالقلب مع السكر
قد يهمك ايضا
سخونة القدمين بالليل .. الاسباب وافضل طرق العلاجات المنزلية
مرض السكري وقدميك وكيف تحافظ على قدميك
آلام الأعصاب السكري (اعتلال او التهاب الأعصاب السكري) : نصائح للعلاج
النشاطات المسموحة و الممنوعه على مرضى التهابات اللفافة الاخمصية
اختيارات الاحذية المناسبة لمرضى التهاب اللفافة الأخمصية
العلاجات المنزلية لالتهاب اللفافة الأخمصية : الزيوت الأساسية و 12 طريقة أخرى
اهم اعراض نقص الماغنسيوم و أفضل 10 مصادر طبيعية غنية بالماغنسيوم
اكثر 14 سؤال عن الشوكة العظمية بكعب القدم او التهاب اللفافة الاخمصية والاجابات عنها
درجات خشونة الركبة وازاى تعرف درجة الخشونة والعلاج المناسب لكل درجة
أفضل 10 فيتامينات لتنشيط الدورة الدموية واهم المصادر الطبيعية لكل فيتامين
افضل 10 طرق طبيعية لعلاج الشوكة العظمية نهائيا وبسرعة فى المنزل في خلال اسبوع
أفضل 10 حقن لعلاج التهاب الأعصاب فى الاسواق 2023
20 نصيحة مهمة جدا لمريض السكر
رابع حاجة كل التوصيات العالميه قالت ان اي مريض سكر فوق ال 40 سنه لازم ياخد دواء يقلل الدهون زى الاوميجا 3
علشان يقلل الدهون الثلاثية و الكوليسترول وطبعا لازم مريض السكر يتابع نفسه ويلاحظ اى تغيرات ممكن تحصل فى جسمه علشان يكتشف اى مشكلة من البداية ويبدأ يعالجها صح.
خامس حاجة لازم مريض السكر يقيس ضغطة باستمرار
علشان لو فية ضغط لازم يروح للدكتور يكتبلة دواء لان مشكلة الضغط بتحصل كتير مع مرضى السكر وكمان لو حصلت بتكون المضاعفات كتيرة وسريعة علشان كدة لازم ينظم السكر و الضغط كويس .
سادس حاجة مريض السكر لازم يتابع مع الدكتور المتخصص
لو حس باى مشكلة او تغيرات و لازم ياخد الادوية اللى الدكتور وصفها فى الوقت المحدد بالكميات و الجرعات اللى حددها الدكتور
سابع حاجة لازم مريض السكر يشرب مية كتير يوميا
على الاقل 6 الى 8 كاسات يوميا ويتوقف عن التدخين ويبعد عن الاكلات السريعة والمخلالات و المعجنات والفطاير و النشويات والسكريات و المقليات و المشروبات الغازية والعصاير الطازة .
ثامن حاجة لازم مريض السكر يعمل رياضة زى المشى يوميا
على الاقل نصف ساعة يوميا فى حذاء مناسب على الاقل 5 مرات اسبوعيا
تاسع حاجة لازم مريض السكر يتعلم ازاى يفحص رجلة يوميا قبل النوم
او حد يفحصها لة علشان يكتشف اى مشكلة من البداية زى الجروح او السحجات او فطريات القدم او اى تغير فى اللون او درجة الحرارة او تورم بالقدم او تغير بالشكل لان ده ممكن يكون بدايه لمشكلة خطيرة لو اهمل فى علاجها من بدرى .
عاشر حاجة لازم مريض السكر يخليله فوطه نظيفه علشان ينظف بيها بين اصابع القدم
بعد الوضوء او الاستحمام او الغسيل ولو في فطريات بينهم لازم ينشف بين الاصابع بمناديل ورق بحيث ينشف بين كل اصبعين بمنديل ورق ويرمية علشان مينقلش الفطريات للاصابع الاخرى و لازم يروح لعيادة القدم السكرى علشان الدكتور المتخصص يوصفله علاج للفطريات لانها بتهري الجلد وبتبقي مدخل للجراثيم وياريت ياجماعة منستهونش بموضوع الفطريات دى اللي بين اصابع القدم لان في معظم الحالات بتكون بداية لالتهابات خطيرة تنتشر فى القدم والعظام وبتنتهى بالبتر لو متعلجتش صح وبسرعة من البداية .
النصيحة اللى 11 لازم مريض السكر كل يوم قبل النوم يرطب رجله بفازلين او كريم مرطب
ويحطة على القدم من تحت ومن فوق لكن ممنوع بين الاصابع علشان ميرطبش بين الاصابع ويعمل فطريات اللى بتكون مدخل للجراثيم. من الحاجات اللى بتمنع برضة جفاف القدم شرب المية بكمية كبيرة وممنوع تمشى حافى بالبيت و لازم تلبس شربات لمرضى السكر علشان بتحافظ على رطوبة القدم وبتمنع جفاف القدم .
النصيحة اللى 12 متقصش ظوافرك بنفسك
لانك مش هتعرف تقصها وممكن تعور نفسك ولازم حد تانى بالبيت يقصهالك علشان متعورش نفسك او تقصها فى عيادة العناية بالقدم والقدم السكرى ولما حد فى البيت يقصهالك ميقصهاش قصيرة خالص و يقصها بمقص ظوافر مش قصافة علشان يقدر يشوف الجلد تحت فميقصش الجلد ويسبللك جرح وبرضة لازم القص يكون فى وضع افقى مش دائرى علشان الاظافر متخشش فى اللحم وميشدش او يشيل اى جلد ميت حوالين الاظافر لانها ممكن تدخل بكتريا وجراثيم .
النصيحة الل 13 ممنوع مريض السكر يمشى حافى نهائيا برة البيت او جوة البيت
لان بيكون الاحساس عندة ضعيف فممكن اى حاجة تدخل فى رجلة وميحسش علشان كدة لازم يلبس حذاء مناسب خارج البيت او شبشب داخل البيت ويكون الشبشب مقفول من قدام علشان الاصابع متتخبطش فى حاجة او اى شىء يقع عليها علشان كدة لازم تحمى رجلك واصابعك .
النصيحة الل 14 لو لاقيت عندك تنميل وتقل وخدر وسخونة برجلك
ومش حاسس برجلك خالص و الشبشب بيتخلع او بيسيب منك وانت ماشى ومش حاسس او حاسس انك ماشى على قطن او حاسس بتقل برجلك يبقى لازم تراجع عيادة القدم السكرى علشان الدكتور المتخصص يقيم الدورة الدموية و الاعصاب الطرفية ويكتبلك على علاجات تعالح المشكلة وتحافظ على الاعصاب عندك او يكتبلك على علاجات تحسن و تنشط الدورة الدموية .
النصيحة اللى 15 مرض السكر ممنوع يلبس الشربات المصنوعه من الالياف الصناعيه
او البوليستر لانها بتكتم الرجل وبتعمل عرق واحتكاكات ممكن تبقي مدخل للبكتريا وممكن تسبب فطريات وميكونش ليها استيك من فوق علشان متورمش الرجل ويكون فيها الياف فضة علشان تعالج اى جرح بسيط او لو فية فطريات .
النصيحة ال 16 مريض السكر ميلبس اى جزمة
لانها ممكن تسببلة مشاكل كتيرة ممكن تضغط على صوابعة لو ضيقة وممكن كمان تشوة صوابعه ولو واسعة تعمل احتكاك للقدم داخل الجزمة فتسبب سحجات وجروح ولازم تكون واسعة وعميقة من الامام و تكون بلاصق مش برباط علشان يقدر يتحكم فى لابسها وقفلها ولازم تكون اكبرمن مقاس رجله بدرجة واحدة ويكون قاعدتها ناشفة علشان تحمى القدم من تحت ولازم تكون من مواد وجلد طبيعيى يمنع التعرق ويمنع حدوث فطريات بين الاصابع ولما تيجى تشترى جزمة جديدة اشتريها بالليل مش الصبح لان بالليل بيكون رجلك ورمة من المشى فى النهار فبالتالى مش هتجبها ضيق ولازم تلبسها الاول نصف ساعة وتشوفها سببت مشكلة بالقدم ولالا لو سببت مشكلة يبقى لازم تغيرها وعود نفسك قبل ماتلبس اى جزمة شوفها من جوة كويس وحط صوابعك جواها علشان تشوف فية حاجة جوة ولالا يعنى فية حصوة او طوبة او خشبة او اى شىء ممكن تسببلك مشكلة وانت مش حاسس برجلك .
النصيحة ال 17 لازم مريض السكر يقارن رجليه ببعض يوميا
لو لقي شعر رجل بيقع او الجلد ناشف او درجه حراره واحده مختلفه عن الثانيه لازم يعرف ان فية مشكلة بالدورة الدموية ومحتاج يروح لدكتور قدم سكرى او اوعية دموية علشان يقييم النبض في الشرايين وممكن يطلب اشعه علي الاوعية ويتاكد من ان الدم ماشى بصوره كويسة في القدم
النصيحة ال 18 لازم مريض السكر قبل ما ياخد حمام او دش
وخصوصا لو بمياه سخنه انة يحس المياه بكوعه مش بايدية او رجلة لان الاحساس فى الايد والقدم بيكون ضعيف ( وكمان لان الكوع بيكون الاحساس فيه صادق ) عشان يتجنب الحروق اللي ممكن تحصل لكبار السن لفقد الاحساس بحراره المياه
كمان ممنوع مريض السكر ينقع رجلة فى مية اكتر من 5 دقايق علشان لو نقعها فترة طويلة الجلد بين الصوابع بيتهرى وممكن يدخل ميكروبات و جراثيم
النصيحة الل 19 لو لاقيت شكشكة او تنميل او كهربا في الرجل
يبقى اكيد فية مشكلة بالاعصاب الطرفية وفى الحالة دى انت محتاج فيتامين ب مركب بس الاهم منه دواء Alpha lipoic acid لانه بيعيد تكوين غشاء الاعصاب
النصيحة ال 20 و الاخيرة بلاش تلبس احذية ضيقة او كعب عالى او احذية فلات
لان الكعب العالي بيزود ضغط الجسم علي كعب القدم فيقلل الدم اللى واصل ليها ودة ممكن يسبب تكوين جلد ميت اللى بعد كدة ممكن يسبب قروح وجروح ومشاكل خطيره بالقدم
كدة يبقى اتكلمنا فى البوست دة عن اهم 20 نصيحة لمريض السكر
الهدية عبارة عن مكتبة فيديوهات لمريض السكر فيها اكتر من 50 فيديو مهم بتعتبر افضل مكتبة فيديوهات لمرضى السكر ممكن نرسلها لك مجانا لو ارسلت رسالة تطلب المكتبة دى لرقم الواتساب 00201556860926 وهنبعتلك المكتبة فورا على الواتساب
--------------------
لو عندك اى سؤال خاص بالموضوع اكتبلنا فى التعليقات تحت واحنا هنرد عليك.
ولو الموضوع عجبك متنساش تشاركة مع اصدقائك وتشترك فى حسابتنا الاجتماعية.
---------------------
كلمات البحث :
مرض السكر,السكري,مرض السكري,نصيحة لمرضى السكري,أفضل أكل لمرضى السكر,أطعمة لمرضى السكري,أفضل الأطعمة لمرضى السكر,افضل فطور صحي لمرضى السكر,اكلات لمرضى السكر المرتفع,أفضل الأطعمة لمرضى السكري,السكر,مرضى السكري,علاج السكر,علاج مرض السكر,مرضى السكر,نصائح لمرضى السكر,مريض السكر,نصائح هامة لمرضى السكر,نصائح لمرضى السكر،,طعام مريض السكر,الفواكه المسموحة لمرضى السكر,ما هو فطور مريض السكر,هل التمر يجوز لمريض السكر,التمر و مرضى السكري
------------------------------------
مع تمنياتنا للجميع بالصحة والعافية
دكتور طارق تركى
استشارى جراحة العظام والعناية بالقدم والقدم السكرى بطنطا ووسط الدلتا
عنوان العيادة
طنطا – مقابل البوابة الجانبية لعيادات على ابن ابى طالب للتامين الصحى بشارع البحر ( المجمع الطبى ) – شارع انور من البحر – فوق مركز الخير للاشعة – الدور الرابع – اخر عيادة ناحية اليسار اول ماتخرج من الاسانسير ( العمارة بها 2 اسانسير )
مواعيد العيادة
من 12 ظهرا حتى 6 مساء يوميا ماعدا الخميس والجمعه
طريقة الحجز
يمكنك الحجز مباشرة بالاتصال على موبيل 00201126629271 - 00201556860926
او يمكنك الحجز مباشرة على رابط الواتساب
موقع العيادة على جوجل
https://goo.gl/maps/JL6CEEAg5izy5Lz99
موقعنا على الانترنت
www.drtariktorkiclinic.com - www.drtariktorki.com
يمكنك متابعتنا على جميع المًواقع الاجتماعيه
نتمنى للجميع الصحة والعافية
