افضل 10 طرق طبيعية لعلاج الشوكة العظمية
نهائيا وبسرعة فى المنزل
جربت علاجات كتير للشوكة العظمية اللى فى كعب القدم ومجبش معاك نتيجة , عارف انك يأست بالرغم من ان الم الشوكة العظمية و مشكلة الشوكة العظمية من المشاكل المتعبة جدا و المؤلمة جدا واللى بتأثر على حياتك اليومية لكن الكويس فى الموضوع ان 90 % من مشاكل الشوكة العظمية بتستجيب و تتعالج بالطرق التحفظية اللى هنتكلم عليها انهاردة علشان كدة هقولك على اهم 10 طرق لعلاج الشوكة العظمية نهائيا وبسرعة فى المنزل
اية هى الشوكة العظمية
الشوكة العظمية نتوء عظمى بيحدث فى كعب القدم نتيجة التهابات باوتار القدم وخصوصا اللفافة الاخمصية مع ترسب الكالسيوم نتيجة اجهاد والتهابات اوتار القدم
طيب ازاى تعرف ان عندك شوكة عظمية
لو لاقيت الم شديد اول ماتصحى من النوم بالكعب ومش عارف تمشى او لو جلست مدة طويلة وبدات تتحرك والالم يروح بعد دقيقة او دقيقتين من الحركة كمان لو لاقيت تورم بالكعب و سخونة و الالم بيمتد لباطن القدم والاصابع وكمان بيطلع لخلف الكعب على وتر العرقوب و فى الحالات الشديدة ممكن يطلع لغاية الركبة من ورا وقت طلوع ونزول السلالم يبقى اكيد عندك شوكة عظمية وطبعا لو عملنا اشعة على الكعب هنلاقى نتوء عظمى فى كعب القدم
زى ما قولتلك 90% من مرضى التهاب اللفافة الأخمصية بتستجيب بشكل تام للعلاجات التحفظية لكن بتحتاج وقت على الاقل 6 شهور والشفاء بيتم باذن الله بدون اى اجراء جراحى.
طيب اية افضل 10 طرق طبيعية لعلاج الشوكة العظمية اللى فى كعب القدم
اول حاجة الراحة : اهم خطوة فى علاج الشوكة العظمية الراحة علشان تقلل الالم والالتهابات والراحة مش معناها ان المريض ينام فى السرير لكن معناها بلاش تمشى كتير او تقف كتير او تطلع وتنزل سلالم كتير و لازم تبطل ممارسة الرياضة اللى بتسبب ارهاق للقدم واوتار القدم زى الجرى و لعب كرة السلة او الطايرة والرياضات اللى فيها تنطيط وقفز علشان بتزود التهابات الاوتار وبتزود حمل على القدم وكمان بلاش تشيل حاجات تقيلة
ثانى حاجة ممكن تستخدم مضادات الالتهاب : زى اقراص الفلدين و كبسولات ديفيدو واقراص النابروكسين مرتين يوميا بعد الاكل وفى الحالات الشديدة ممكن تاخد حقن مضادة للالتهاب زى حقن اولفين او فلدين مرة يوميا بالعضل لمدة 3 ايام وممكن تاخد حقن مسكنة قوية للالم زى كيتولاك عضل مرة واحدة يوميا لمدة 3 ايام
الادوية دى بتقلل الالتهابات وكمان بتسكن الالم
ثالث حاجة عمل كمادات ثلج على كعب القدم : بتجيب فوطة وتحط فيها مكعبات تلج وتلف الفوطة وتحطها على الكعب 15 دقيقة وتكررها 4 مرات يوميا او ممكن تجيب علبة مية مثلجة او علبة حاجة ساقعة مثلجة وتمشى القدم عليها 5 دقايق مرتين فى اليوم كمادات الثلج بتقلل الالم وتلطف اوتار القدم متحطش الثلج مباشرة على الجلد ومتحطش الثلج اكتر من 15 دقيقة كل مرة .
رابع حاجة : الحشوة الطبية لدعم ورفع قوس القدم : علشان تريح اوتار القدم من تحت وتخلي اوتار القدم فى وضع مريح مش مشدودة والحشوات دى بتكون ناشفة مش سليكون وبيكون الجزء الاوسط فيها مرفوع علشان يرفع قوس القدم ويريح قوس القدم بحيث ميكنش مشدود على الارض والحشوات دى بتتجاب من محلات المستلزمات الطبية وكمان متوفرة عندنا بالمواصفات المطلوبة وعلى حسب المقاس وكمان لو لاقيت الحشوات دى طويلة شوية ممكن تقصها على علامات موجودة من خلف الحشوة .
ملحوظة مهمه جدا حشوات السليكون ملهاش فايدة فى حالات كتيرة لانها مش بتدعم قوس القدم
خامس حاجة الساند الليلى او الدعامة الليلية : وده من اهم العلاجات فى حالات الشوكة العظمية الشديدة اللى مش بتستجيب لاى حاجة لان الساند الليلى فايدتة ان بيعمل اطالة لاوتار القدم السفلية والخلفية وبالتالى لو جيت تمشى الصبح بعد ما تصحى من النوم مش بتحس باى الم .
الساند الليلى بيحل مشكلة الشوكة العظمية بنسبة 60 % لو اتلبس طول الليل وانت نايم لمدة لاتقل عن شهر ونصف وممكن تلبسة برضة فى الصباح لو انت قاعد فى البيت مش بتتحرك وبرضة متوفر عندنا وفى المحلات الطبيبة
سادس حاجة تخفيف الوزن : لو وزنك زايد شوبة هيكون فيه حمل زايد على الكعب و الركبة واسفل الظهر وكل ما وزنك يخف كيلو واحد هيقل الضغط على القدم و الركبة والظهر 4 كيلو يعنى لو خفيت وزنك 5 كيلو مثلا هيخف الحمل على الاماكن دى 20 كيلو وبالتالى هيقل الالتهابات و الالم
سابع حاجة تمارين لعلاج الشوكة العظمية : والتمارين دى المريض بيعملها فى البيت علشان تعمل اطالة و مرونة لوتر اكيلس و عضلات الساق واوتار القدم وتمارين الشوكة العظمية كتير جدا لكن بنختار منها 3 تمارين مهمه
تمرين شد اصابع القدم اول ما تصحى من النوم
تمرين الفوطة فى منتصف اليوم
وتمرين زجاجة المية او علبة الحاجة الساقعة بالليل قبل النوم
ثامن حاجة جلسات العلاج الطبيعى والشوك ويف او النبضات الكهربائية : والشوك ويف جهاز بيبقى موجود فى مراكز العلاج الطبيعى ودة بيقلل الالتهابات و الالم وبيسموه الموجات التصادمية هو فى الاول بيسبب الم وخصوصا فى الحالات الشديدة لكن بعد كدة الالم بيقل تدريجيا حتى يختفى تمام
فكرة الشوك ويف او النبضات الكهربائية انها بتسبب رضوض خفيفة فى باطن القدم فدة بيزود الدورة الدموية وتدفق الدم فى المنطقة دى وبالتالي الجسم بيعالج الالتهابات فى المنطقة دى ذاتيا
جلسات الشوك ويف بتبقى تقريبا من 10 الى 20 دقيقة و بتبقى مرة واحدة اسبوعيا او كل 5 ايام مش كل يوم وممكن المريض يحتاج من 5 الى 12 جلسة على حسب شدة الحالة
جلسات الشوك ويف بتعتبر من اهم طريق علاج التهابات الاوتار بالجسم و خصوصا التهاب الشوكة العظمية واللفافة الاخمصية ونتيجتها فى معظم الحالات بتكون افضل من حقن الكورتيزون بالكعب
طيب اية مضاعفات الشوك ويف زى ماقلنا ممكن يسبب الم فى اول الجلسات وخصوصا فى الحالات الشديدة وممكن يسبب تنميل بالكعب.
تاسعا استخدام احذية مناسبة للشوكة العظمية :
اهم مميزات الاحذية دى متكنش فلات او على الارض زى احذية البالية او يكون ليها كعب او تكون لينة وتقدر تتنيها بايدك لازم الاحذية تكون رياضية و يكون قاعدتها قوية مش بتتثنى و تحط جواها الحشوة الطبية اللى اتكلمنا عليها قبل كدة
ممنوع تمشى حافى فى البيت على البلاط او السيراميك او الرخام او البلاط او حتى الموكيت
لاززم تلبس شبشب مقفل من قدام وتحط فية الحشوة وانت بالبيت
يعنى الحشوة تلبسها جوة البيت فى الشبشب و برة البيت فى الجزمة
المشى على النجيلة او العشب و التراب و الرمل من الحاجات المفيدة جدا علشان بيقوى اوتار القدم من تحت لكن طبعا ممنوع على مرضى السكر لانة ممكن يسبب ليهم مشاكل بالقدم لان الاحساس عندهم بيكون ضعيف فممكن حاجة تدخل فى رجلهم بدون ما يشعروا بيها.
عاشر حاجة جينا للطريقة الاخيرة و المفيدة اللى هتقدر تذوبلك الشوكة العظمية و تقلل الالتهابات و الالم
الطريقة دى طبيعية 100 % وممكن اى حد يعملها فى البيت عن طريق استخدام خل التفاح
دراسات كتيرة اثبتت ان خل التفاح بيقدر يذوب نتواءت الكالسيوم الموجودة بالكعب فيقلل الالم والالتهابات
طيب بتستخدمة ازاى عندك طريقتين
الطريقة الاولى : بتملى طبق غويط بالماء الدافىء وتحط فية معلقة خل تفاح وتنقع القدم فيها لمدة 20 دقيقة وتكررها كل يوم لمدة 3 اسابيع
الطريقة الثانية : ممكن تبل فوطة بخل تفاح وتحطها على الكعب لمدة 20 دقيقة و تكررها كل يوم لمدة 3 اسابيع
كدة يبقى اتكلمنا عن اهم 10 طرق طبيعية لعلاج الشوكة العظمية نهائيا وبسرعة فى البيت
ياريت تكتبلنا فى التعليقات تجربتك مع الشوكة العظمية واية الحاجات اللى ريحيتك واية الحاجات اللى مجبتش معاك نتيجة وهل استخدمت حاجة من الحاجات اللى قولنا عليها دلوقتى واية كانت النتيجة معاك او لو جربت شىء مقولناهوش وجاب معاك نتيجة ياريت تكتبة فى التعليقات علشان ناس تانية تستفاد.
عملنا نادى الشوكة العظمية على الانترنت بنجمع فية تجارب واراء الناس اللى كان عندها شوكة عظمية واستخدمت حاجات و ارتاحت او مرتحتش هسيبلك رابط نادى الشوكة العظمية علشان تدخل تكتبلنا فى تعليقات الصفحة تجربتك مع الشوكة العظمية وتشوف تجارب ناس تانية من وقت للتانى تقدر تفيدك وتفيد غيرك .
https://www.tariktorkiclinic.com/2022/12/blog-post_4.html
----------
لو عندك اى سؤال خاص بالموضوع اكتبلنا فى التعليقات تحت واحنا هنرد عليك.
ولو الموضوع عجبك متنساش تشاركة مع اصدقائك وتشترك فى حسابتنا الاجتماعية .
---------------------
كلمات البحث :
علاج الشوكة العظمية,علاج الشوكة العظمية بالكعب,الشوكة العظمية,الشوكة العظمية فى كعب الرجل,تمارين لعلاج الشوكة العظمية,علاج الشوكة العظمية بالثوم,الشوكة العظمية بالقدم وعلاجها,اسباب الشوكة العظمية,افضل تمارين لعلاج الشوكة العظمية,الشوكة العظمية بالكعب وعلاجها,أسباب الشوكة العظمية,علاج الشوكه العظميه بالمنزل,علاج الشوكه العظميه,أعراض الشوكة العظمية,الشوكة العظمية بالكعب,تمارين الشوكة العظمية,الشوكه العظمية,لعلاج الشوكة العظمية,الام الشوكة العظمية
------------------------------------
مع تمنياتنا للجميع بالصحة والعافية
دكتور طارق تركى
استشارى جراحة العظام والعناية بالقدم والقدم السكرى بطنطا ووسط الدلتا
عنوان العيادة
طنطا – مقابل البوابة الجانبية لعيادات على ابن ابى طالب للتامين الصحى بشارع البحر ( المجمع الطبى ) – شارع انور من البحر – فوق مركز الخير للاشعة – الدور الرابع – اخر عيادة ناحية اليسار اول ماتخرج من الاسانسير ( العمارة بها 2 اسانسير )
مواعيد العيادة
من 12 ظهرا حتى 6 مساء يوميا ماعدا الخميس والجمعه
طريقة الحجز
يمكنك الحجز مباشرة بالاتصال على موبيل 00201126629271 - 00201556860926
او يمكنك الحجز مباشرة على رابط الواتساب
موقع العيادة على جوجل
https://goo.gl/maps/JL6CEEAg5izy5Lz99
موقعنا على الانترنت
www.drtariktorkiclinic.com - www.drtariktorki.com
يمكنك متابعتنا على جميع المًواقع الاجتماعيه
نتمنى للجميع الصحة والعافية
