افضل 10 ادوية لعلاج خشونة الركبة
لو عندك خشونة بالركبة من الدرجة البسيطة اوالمتوسطة هقولك على افضل 10 ادوية لعلاج خشونة الركبة وتقلل الالتهابات والالم هقولك على الادوية دى و مكوناتها وازاى تتاخد وامتى ممنوع تاخدها وحاجات تانبة كتير .
كلنا عارفين ان خشونة
الركبة بتحصل نتيجة تآكل الغضاريف التى بتغلف العظام اللى بتكون مفصل الركبة فتسبب
احتكاك بين العظام ودة بالطبع بيسبب الم شديد وتورم بالركبة وخصوصا وانت بتتحرك او
بتتنى الركبة وبالتالى هيأثرعلى حياتك اليومية ومش هيخليك تعرف تمارس حياتك بطريقة
طبيعية.
طيب اية أعراض خشونة الركبة
برضه كلنا عارفين ان خشونة الركبة مرض مزمن بيظهر في كبار السن لكن ممكن برضة يحصل فى اى سن ويسبب اعراض كتير بتزيد مع زيادة العمر ، من الاعراض دى:
· ألم بالركبة.
· مع صعوبة في الحركة.
· ألم أثناء المشي وطلوع السلالم.
· تورم في مفصل الركبة.
· تيبس الركبة .
· شد عضلي بالساقين.
طيب اية علاج خشونة الركبة
طريقة علاج خشونة الركبة بتعتمد على درجة تآكل الغضاريف او درجة الخشونة ففي الحالات البسيطة ممكن الادوية اللى هنقولك عليها دلوقتى تدى نتايج كويسة مع الراحة والعلاج الطبيعي طبعا وتخفيف الوزن ، وبعض الحالات المتوسطة ممكن ندى حقن بعض المواد زى حقن الزيت وحقن البلازما جوه مفصل الركبة، لكن فى الحالات الشديدة بنضطر نعمل عمليات جراحية زى تغييرمفصل الركبة بمفصل صناعي او نعمل منظار لتنظيف الركبة.
عملية تغييرالمفصل وتركيب مفصل ركبة صناعي بتعتبر العلاج الوحيد لخشونة الركبة الشديدة والمتقدمة لكن العلاج الدوائي والعلاج الطبيعي بيخفف الأعراض والألم علشان كدة هنقولك على أفضل ادوية موجودة بالاسواق لعلاج خشونة المفاصل والركبة اللى من الدرجة البسيطة والمتوسطة .
يمكنك ايضا قراءة :
درجات خشونة الركبة او مراحل خشونة الركبة
افضل 10 ادوية لعلاج خشونة الركبة
افضل 10 أدوية لعلاج خشونة الركبة
1- جينوفيل أقراص / Genuphil Tablet
أقراص جينوفيل فيها مادة الكوندروتين، الجلوكوزامين، و ثنائي ميثيل سلفون اللى بتساعد فى تجديد الغضاريف وزيادة السائل الزلالي اللى جوه المفاصل وبالتالى مفيدة فى علاج خشونة الركبة.
الجرعة: قرصين 3 مرات يوميا، أو زى ما الدكتور يقولك.
ممكن تسبب اضطراب في الجهاز الهضمي وتغير لون البول والبراز مع استخدام أقراص جينوفيل، ولكن عند ظهور أعراض جانبية شديدة برجاء استشارة الطبيب.
ممنوع في فترات الحمل والرضاعة الطبيعية.
2 - أرث فري أقراص / Arthfree Tablet
بيعتبر من افضل الادوية لعلاج خشونة المفاصل
المادة الفعالة: ليفلونوميد، ودى مادة مثبطة لجهاز المناعة.
يستخدم أرث فري لعلاج خشونة الركبة اللى بتكون بسبب الأمراض المناعية زى الروماتويد والذئبة الحمراء.
الجرعة: قرص مرتين يوميا، أو زى ما الدكتور يقولك.
ممنوع فى حالات الحمل والرضاعة الطبيعية، وفي حالات الحساسية تجاه مادة ليفلونوميد، ومرضى السل .
3- دوروفين كبسولات / Dorofen Capsule
كبسولات دوروفين تحتوى على الجلوكوزامين، مع خلاصة نباتات طبيعية، وبتعتبر من أفضل 10 أنواع دواء لعلاج خشونة مفاصل الركبة لانها بتعيد بناء الغضاريف داخل المفصل وبتزيد من إفراز السائل الزلالي الموجود بتجويف المفصل فتقلل الاحتكاك بين العظام وتساعد على تسكين الآلام.
الجرعة: كبسولة 3 مرات يوميا، أو زى ما الدكتور يقولك.
ممكن تسبب اضطراب الجهاز الهضمي، الصداع، الدوار، وقد تحدث حساسية تجاه أحد المكونات.
لام تستشير الدكتور قبل ما تاخدها في حالات ارتفاع ضغط الدم، والربو ومرض السكر.
- 4 كوندروجين 20 مجم أقراص / Chondrogen 20 mg Tablet
أقراص كوندروجين بتحتوى على كوندروتين بالإضافة إلى جلوكوزامين، المكونات دى بتحفز على تجديد خلايا الغضاريف وزيادة السائل الزلالي داخل المفاصل، وبتقلل من احتكاك العظام فتعالج التهاب وخشونة الركبة وتسيطر على الألم وتسهل الحركة.
الجرعة: قرص كل 12 ساعة، أو زى ما الدكتور يقولك.
ممكن اضطراب في الهضم، إمساك، إسهال، وقد تحدث حساسية تجاه أحد المكونات.
لو بتاخد مضادات الحموضة، مضادات الحساسية، أو المكملات الغذائية لازم تستشير الطبيب قبل ماتاخد أقراص كوندروجين علشان ميحصلش تفاعلات دوائية.
5- دولاجين أكياس / Dulagen Sachet
أكياس دولاجين بتحتوى على الكولاجين، الجيلاتين، وفيتامين ج، فتزود من صحة ومرونة العضلات والأربطة، بالإضافة لتأثيرها على صحة المفاصل والعظام، وبتعتبر مفيدة لكبار السن.
الجرعة: كيس واحد يوميا مع شرب كميات كافية من الماء.
ممنوع في حالات الحمل والرضاعة زيادة نسبة الكالسيوم في الدم، ولو بتاخد أدوية بصورة مزمنة لازم تستشير الطبيب المعالج قبل ما تخدة.
6- دياسيرين 50 مجم كبسولات Diacerein 50 mg Capsule /
بتعتبر مادة دياسيرين من مضادات الالتهاب من عائلة أنثراكينون، اللى بتثبط وتقلل المواد الكيميائية التي بتسبب الالتهابات زى البروستاجلاندين و الإنترلوكين.
علشان كدة بتعالج كبسولات دياسيرين خشونة الركبة عن طريق تحفيز تكوين الغضاريف والسائل المفصلي فتقلل حدوث الاحتكاك أثناء حركة المفصل والتحكم في أعراض الالتهاب مثل ألم وتيبس المفصل.
الجرعة هي كبسولة يوميا لمدة شهر ثم كبسولة مرتين يوميا.
ممكن تسبب اضطراب الهضم، قيء، تغير لون البراز.
ممنوع تاخدة في حالات قصور وظائف الكلى، والفشل الكبدي، وفي حالات الحمل والرضاعة، والأطفال أقل من 15 عام.
لو بتاخد مدرات البول، أدوية سيولة الدم، أو مضادات الحموضة، لازم تقول للطبيب المعالج علشان ميحصلش تفاعلات الدوائية.
7- إتودولاك أقراص / Etodolac Tablet
المادة الفعالة: إتودولاك، واحدة من مضادات الالتهاب غير الستيرويدية القوية، اللى بتسكن الألم وتعالج الالتهاب وتقضي على التورم.
يتم تحديد الجرعة عن طريق الطبيب المعالج بحيث متزيدش عن 1000 مجم يوميا.
بلاش تاخدة لو عندك التهابات ونزيف الجهاز الهضمي، قرحة المعدة والاثني عشر، وفي حالة وجود حساسية تجاه مادة إتودولاك أو تجاه أي من مضادات الالتهاب غير الستيرويدية.
8- اندوسيد أقماع 100 مجم Indocid Suppository 100 mg /
المادة الفعالة هي اندوميثاسين، واحدة من أفضل 10 أنواع دواء كمضاد للالتهاب ، إذ تعمل على تسكين آلام الركبة، وتقلل للالتهاب والتورم.
جرعه أقماع اندوسيد هي قمع واحد عن طريق فتحة الشرج كل 12 ساعة، أو زى ما الدكتور يقولك.
ممنوع لمرضى التهاب وقرحة المعدة، وأمراض الكبد، والقصور الكلوي، وفي فترة الحمل والرضاعة الطبيعية.
في حالة حدوث أعراض جانبية شديدة أو أعراض حساسية، لازم توقف استخدام أقماع اندوسيد واستشارة الطبيب المعالج .
9- أرثروفاست أقراص 150 مجم / Arthrofast 150 mg Tablet
المادة الفعالة: ديكلوفيناك الصوديوم، من مضادات الالتهاب غير الستيرويدية، يعمل كمسكن قوي للالم ومضاد للالتهابات والتورم.
يُستخدم ارثروفاست في تسكين الآلام المصاحبة لخشونة الركبة، وعلاج الالتهاب والتورم.
الجرعة: قرص مرتين يوميا بعد الاكل أو عند اللزوم.
ممنوع تستخدمة لمرضى ارتفاع ضغط الدم، وقرحة والتهاب المعدة والإثنى عشر، ونزيف الجهاز الهضمي.
ممكن يسبب ألم بالبطن، وقيء، وغثيان، وقد تحدث حساسية تجاه مادة ديكلوفيناك.
نيجى بقى لاخر دواء ودة بيعتر افضلهم لانة بيتاخد مرة واحدة فى اليوم وكمان عبارة عن اكياس فوارة وفية كل العناصر المفيدة لخشونة الركبة بتركيزات علاجية الدواء اسمة
10- جينوفيل ادفانس أكياس / Genuphil Advance Sachet
التركيبة بتاعته الكولاجين، الجلوكوزامين، الكوندروتين، ميثيل سلفونيل ميثان، و هيالويورينات الصوديوم.
أكياس جينوفيل ادفانس مفيدة جدا لصحة المفاصل والغضاريف بتزود السائل الزلالي اللى جوه المفاصل، وتعالج خشونة الركبة وتسكن الالم لانها بتقلل الالتهابات ، وكمان بتحافظ على صحة ومرونة العضلات والأربطة، علشان كدة بيعتبر الافضل
بيتاخد كيس واحد على نصف كوب ماء مرة واحدة يوميا
ممكن يسبب اضطراب في الجهاز الهضمي وقيء وإسهال، او حساسية لاحد مكوناته.
يرجى الحذر وإستخدام هذه الأدوية تحت إشراف الطبيب المختص
---------------------
لو عندك اى سؤال خاص بالموضوع اكتبلنا فى التعليقات تحت واحنا هنرد عليك.
ولو الموضوع عجبك متنساش تشاركة مع اصدقائك وتشترك فى حسابتنا الاجتماعية.
---------------------
كلمات البحث :
خشونة الركبة,علاج خشونة الركبة,خشونة الركبة وعلاجها,تمارين لعلاج خشونة الركبة,خشونة المفاصل,كيفية علاج خشونة الركبة,علاج خشونة المفاصل,علاج خشونه الركبه,ما هي أعراض خشونة الركبة,علاج الم الركبة,مراهم لعلاج خشونة الركبة,اقوى مرهم لعلاج خشونة الركبة,اسماء ادوية خشونة الركبة,انواع المراهم لعلاج خشونة الركبة,مفصل الركبة,الركبة,خشونة مفصل الركبة,ساعة صباح.. أفضل علاج لخشونة الركبة,تمارين خشونة الركبة,علاج خشونة الركبة بالعسل,كيفية علاج خشونة المفاصل
------------------------------------
مع تمنياتنا للجميع بالصحة والعافية
دكتور طارق تركى
استشارى جراحة العظام والعناية بالقدم والقدم السكرى بطنطا ووسط الدلتا
عنوان العيادة
طنطا – مقابل البوابة الجانبية لعيادات على ابن ابى طالب للتامين الصحى بشارع البحر ( المجمع الطبى ) – شارع انور من البحر – فوق مركز الخير للاشعة – الدور الرابع – اخر عيادة ناحية اليسار اول ماتخرج من الاسانسير ( العمارة بها 2 اسانسير )
مواعيد العيادة
من 12 ظهرا حتى 6 مساء يوميا ماعدا الخميس والجمعه
طريقة الحجز
يمكنك الحجز مباشرة بالاتصال على موبيل 00201126629271 - 00201556860926
او يمكنك الحجز مباشرة على رابط الواتساب
موقع العيادة على جوجل
https://goo.gl/maps/JL6CEEAg5izy5Lz99
موقعنا على الانترنت
www.drtariktorkiclinic.com - www.drtariktorki.com
يمكنك متابعتنا على جميع المًواقع الاجتماعيه
نتمنى للجميع الصحة والعافية